Прэзентацыя кнігі Джоан Станкевіч

11-га траўня ў памяшканні клюбоўні адбылася прэзентацыя кнігі - успамінаў Джоан Станкевіч пад назвай "Living with the scent of danger: european adventures at the fall of communism" ("Жыццё з водырам небяспекі: мае эўрапэйскія прыгоды ў часе пары падзення камунізму").

Спадарыня Станкевіч распавяла прадгісторыю напісання кнігі, зачытала найцікавейшыя ўрыўкі і падзялілася уражаннямі аб успрыняцці кнігі людзьмі з розных краінаў. Джоан разам са сваім мужам Вячкам запланавали цэлае падарожжа па Эўропе "ў хатцы на колах" з мэтай пазнаёміць некалькі краінаў з новай кнігай, у тым ліку Італію, бо свае жыццёвыя прыгоды ў гэтай краіне Джоан таксама апісала ў кнізе. 

Прэзентацыя праходзіла пераважна на ангельскай мове, але некаторыя моманты спадар Вячка Станкевіч растлумачыў па-беларуску.

Пасьля прамовы Джоан слухачы мелі магчымасць задаць ёй свае пытанні. Калі нехта пацікавіўся, што пра Беларусь думаюць амерыканцы, Джоан прызналася, што большасць пра яе амаль нічога не ведае. І ў гэтым сэнсе адна з галоўных мэтаў прэзентаванай кнігі - пашырэнне ведаў пра Беларусь у Амерыцы і на Захадзе. Паводле словаў Джоан, кніга ўжо выклікала немалую зацікаўленасць Беларусьсю сярод амерыканскіх чытачоў, некаторыя з іх нават пачалі адсочваць Беларускія навіны. На пытанне пра тое, ці не плануеца пераклад кнігі на беларускую (ці прынамсі расейскую) мову, Вячка адказаў, што гэта добрая ідэя, і магчыма ў недалёкай будучыні яны з жонкай зноў завітаюць у нашую клюбоўню з беларускай версіяй кнігі:)

Усе жадаючыя набыць кнігу ўспамінаў Джоан Станкевіч могуць гэта зрабіць праз "Амазон" (кошт кнігі на дазены момант складае $15,36):

http://www.amazon.com/Living-Scent-Danger-Adventures-Communism/dp/143277...