Дарагія сябры!

Вітаем вас на нашым сайце!

Мы стварылі гэтую інтэрнэт-старонку дзеля таго, каб паведамляць усіх зацікаўленых пра падзеі, якія адбываюцца ў рамках дзейнасці суполкі “Пагоня”.

З большасці мы інфармуем пра культурныя акцыі – канцэрты, прэзентацыі, што праходзяць у памяшканні беларускай клюбоўні.

Калі ў Вас ёсць ідэі па арганізацыі ўласнага культурнага мерапрыемства ці курсаў, калі ласка, напішыце нам на pahonia.info@gmail.com – будзем радыя любым ініцыятывам.

На дадзены момант нажаль не ўсе рубрыкі сайту функцыянуюць, але мы будзем стала працаваць над развіццём нашай старонкі.

 

10 Май 2018

ці як знікла гісторыя беларускага народу

У хуткім часе Рэспубліка Беларусь будзе святкаваць 30 гадоў, як беларускі народ мае ўласную дзяржаўнасць. Але за гэты час улады нашай краіны не толькі так і не здолелі збудаваць сваю нацыянальную канцэпцыю ды адбудаваць гістарычную самасвядомасць, але і стварылі парадак, калі нацыянальнае можа лічыцца антыдзяржаўным. 

03 Май 2018

  Увага ўсім заўзятарам!

Цягам бліжэйшых дзён - з 4-га да 12-га траўня ў памешканні клюбоўні адбудзецца цыкл праглядаў спаборніцтваў па хакею ў рамках Чэмпіяната свету! 

Першы этап ладзім у гэтую пятніцу 4-га траўня, беларусы гуляюць са шведамі. Пачатак у 20.15.

Магчымасць набыць разліўное піва будзе зарганізаваная.

Матчы з удзелам беларускай каманды:

11 Красавік 2018

Гурт Vuraj на чале з Сержуком Доўгушавым плануюць запіс і выданне чацвёртага альбома старажытных песен беларускага Палесся. Новы альбом пад назвай "Lito" будзе складацца з каляндарна-абрадавых песен, сабраных падчас экспедыцый.

У альбоме будзе падкрэслівацца ўнікальнасць кожнага рэгіёна Палесся – аўтэнтычныя мелодыі і музычны строй, адметнасці мікрамоў і дыялектаў - усе гэта будзе захоўвацца, каб перадаць магію абрадавых песень, таямніцу старажытных рытуалаў і моц сувязі з продкамі.

23 Сакавік 2018

З 1919 году Мікалай Вяршынін з'яўляўся прадстаўніком БНР у Чэхаславаччыне, спачатку па справах ваеннапалонных, пазней ягоныя паўнамоцтвы былі фактычна ўзвышаныя да консульскай пасады. Месцілася Консульства ў ягонай пражскай кватэры на Wenzigova 4, там жа быў запачаткаваны архіў БНР. У гэтай жа кватэры была зарэгістраваная арганізацыя Беларуская грамада, пазней Беларуская Рада.

22 Сакавік 2018

Віншуем усіх суайчыннікаў з надыходзячым святам - Днём Беларускай Незалежнасці! Сёлета спаўняецца роўна 100 гадоў з дня абвяшчэння Беларускай Народнай Рэспублікі - першай спробы стварэння дэмакратычнай дзяржавы для беларускага народа.

Агульнымі намаганнямі пражскіх беларусаў (з большага, суполкі Скарына) была створаная наступная праграма святкавання:

25/03 (Ня) 

10:00 — беларускамоўная служба ў царкве Kostel sv. Kosmy a Damiána Na Slovanech, якую правядзе айцец Андрусь Абламейка