Пра нас

Грамадзкае аб'яднаньне ПАГОНЯ - непалітычная арганізацыя, якая гуртуе беларусаў Чэхіі.

Гэтая арганізацыя была створаная ў 2006 годзе, рэгістраваная пад нумарам 270 38 491.

Галоўныя мэты арганізацыі: пашырэньне беларускае культуры на тэрыторыі Чэскай Рэспублікі.

Сябрам нашае арганізацыі можа стацца кожная асоба, якая падтрымоўвае нашы мэты. Усе жадаючыя далучыцца да нас могуць гэта зрабіць, напісаўшы ліст на pahonia.info@gmail.com.

 Наша дзейнасць

1. Прадстаўніцтва беларусаў у Радзе Нацыянальных меншасцяў ЧР.

2. Утрыманьне БЕЛАРУСКАЙ КЛЮБОЎНІ ў Празе  - памешканьня, якое выкарыстоўваецца дзеля вядзеньня культурніцкае дзейнасьці.

3. Вядзеньне БЕЛАРУСКАЙ БІБЛІЯТЭКІ ў Празе - у памешканьні нашай клюбоўні.

4. Нядзельная школка для дзяцей, якія скончылі першую клясу чэскай пачатковай школы. На дадзены момант у беларускай школе ёсць 2 групы вучняў: малодшыя (6-8 год) і старэйшыя (10-13 год).

5. Выдавецкая дзейнасьць: выданьне часапісу КРЫВІЯ й розных падручнікаў у галіне беларусаведы.

6. Паказы кінастужак.

7. Арганізацыя канцэртаў беларускіх музыкаў.

8. Прэзэнтацыі беларускіх літаратурных твораў.

9. Сустрэчы зь беларускімі  культурнымі й палітычнымі дзеячамі.

10. Адзначаньне нацыянальна-гістарычных і рэлігійных датаў і сьвятаў.   

11. Падтрымка беларускіх культурных праектаў, ініцыяваных іншымі арганізацыямі ці асобамі.