Калядны канцэрт

Дарагія сябры,

сардэчна віншуем вас усіх з надыйшоўшымі каляднымі святамі! Няхай гэты новы год прынясе кожнаму з вас самыя жаданыя падарункі, новыя сустрэчы і цікавыя падарожжы, радасць і добры настрой!

Паколькі калядныя святы ў самым разгары, мы вырашылі зрабіць падарунак для маленькіх беларусікаў ды іх бацькоў (і не толькі - запрашаем усіх жадаючых) - калядны тэатральны выступ з музычным суправаджэннем, пасля якога адбудзецца невялічкі гітарны канцэрт для старэйшых прадстаўнікоў дыяспары.

Гарантуем усім гасцям добры настрой і для самых малых - салодкія падарункі!

Чакаем вас на клюбоўні ў гэты аўторак 7-га студзеня.

Пачатак ад 17.00 гадзіны.

Прыходзьце, калі ласка, прыводзьце сваіх любых дзетак

і будзьце з намі ў новым годзе!