Аб'явы

05 Студзень 2014

Дарагія сябры,

сардэчна віншуем вас усіх з надыйшоўшымі каляднымі святамі! Няхай гэты новы год прынясе кожнаму з вас самыя жаданыя падарункі, новыя сустрэчы і цікавыя падарожжы, радасць і добры настрой!

Паколькі калядныя святы ў самым разгары, мы вырашылі зрабіць падарунак для маленькіх беларусікаў ды іх бацькоў (і не толькі - запрашаем усіх жадаючых) - калядны тэатральны выступ з музычным суправаджэннем, пасля якога адбудзецца невялічкі гітарны канцэрт для старэйшых прадстаўнікоў дыяспары.

22 Лістапад 2013

У нашай клюбоўні змяніўся нумар рахунку. Просім фундатараў дасылаць грошы на новы рахунак:
2600498753 / 2010 (Fio banka)

На дадзены момант фінансавае становішча клюбоўні даволі слабое, грашэй не хапае нават на аплату камунальных плацяжей, таму будзем удзячныя за любы, нават сымвалічны ўнёсак.

З павагай,
суполка ПАГОНЯ

22 Кастрычнік 2013

Прапануем Вашай увазе курс "Асновы вакалу"!

«Не патрабуецца быць спеваком для таго, каб валодаць сваім голасам. Трэба толькі ведаць, як дыхаць, і навучыцца ствараць гук».

Калі Вы заўседы марылі спяваць, але так і не вырашыліся паспрабаваць - прыйшоў час. Курс прызначаны для ўсіх жадаючых, з музычнай адукацыяй і без яе, з досьведам і без. Галоўнае - жаданне!:)
Курс прадугледжвае 6 заняткаў і магчымасць прапрацаваць прыватныя пытанні кожнаму ўдзельніку.

15 Кастрычнік 2013

Беларускі гурт The Unlimited Trio (у складзе Аляксандр Ясінскі - баян, Мікіта Крэйн - гітара, Ілля Чарнаклінаў - альт) запрашае на свой канцэрт, які абудзецца ў панядзелак 21-га кастрычніка а 19-00 у пражскім JazzDock'у (http://www.jazzdock.cz/).

Уваход 150/110 крон.

Афіша:

13 Чэрвень 2013

Дарагія сябры!

Спадарыня Святлана Вранава, перакладчыца, сябра нашай арганізацыі, нам паведаміла, што 29 чэрвеня ад 10.00 да 18.00 у горадзе Брно (адрас Nové sady 37, заля царквы "Slovo života") адбудзецца канферэнцыя “Чэшскія студні”, ў якой, акрамя чэхаў, прыме ўдзел таксама група беларусаў. На канферэнцыю запрашаюцца ўсе "чэшскія" беларусы і іх сябры!

Мэта і сэнс канферэнцыі спачываюць не толькі ў тым, каб узгадаць гістарычны кантэкст, але таксама дапамагчы сучаснаму пакаленню ўспрыняць спадчыну Рэфармацыі. Акрамя таго канферэнцыя прадставіць чэхам Беларусь, пра якую большасць з іх увогуле нічога не ведае. 

У праграме:

28 Май 2013

Дарагія сябры!

Запрашаем усіх на выставу карцін мастака Адася Калюты, даўняга сябры ПАГОНІ.

Выстава адбудзецца 31 траўня (пятніца) ў чэшскай вёсцы Tisá (рэгіён Ústí nad Labem), адрас: Tisá 473, Café Refugio. Для гасцей імпрэзы будзе гучаць джаз.

Пачатак у 20.00. Уваход вольны. Падчас канцэрту можна будзе падтрымаць музыкаў дабравольнымі ўзносамі ў іх капялюш.

Даезд з Прагі:

20 Май 2013

Паважанае спадарства!
Музыка Аляксандр Ясінскі запрашае на свой выпускны канцэрт да камернай залі Пражскай кансерваторыі (Valdštejnská 14), які будзе адбывацца ў чацвер 23 траўня а 19-00. Уваход вольны.

У праграме пачуеце творы розных стыляў і жанраў, у тым ліку і ўласныя творы А. Ясінскага (Ліцвінскую сюіту і Канцэрт для баяна са струннымі), а завяршаць канцэрт будзе выступ гурта The Unlimited Trio.

17 Май 2013

Пры фінансавай падтрымцы суполкі ПАГОНЯ нядаўна выйшаў дыск Сяргея Панізьніка "Пад ясну зарыцу": песенна-абрадавая традыцыя Міёршчыны па матэрыялах аўдыёкалекцыі С.Панізьніка. Запіс 1968-69 гадоў.

Дыск вельмі прыгожа зроблены, вокладка складаецца з некалькіх старонак з 11 фатаздымкамі і вершамі (гл. фатаздымкі ў нашай фотагалерэі, альбом "Пад ясну зарыцу..."). Набыць яго можна ў нашай клюбоўні, кошт складае 100 крон.

Прыводзім уступнае слова аўтара:

11 Красавік 2013

Шаноўнае спадарства!

Музыка Алесь Ясінскі запрашае наведаць некалькі канцэртаў з ягоным удзелам:

  • 12 красавіка 2013 а 19-30 у клубе Rybanaruby (Mánesova 87, 120 00 Прага) адбудзецца канцэрт двух гуртоў Jelen (чэшскі кантры-фольк) і The Unlimited Trio (беларуска-расейскі інструментальны эксперыментальны праэкт). Кошт квітку ў дзень канцэрту - 121 крона. Загадзя - 91.

 

29 Сакавік 2013

Увага ўсім вучням і іх бацькам! 

З наступнага месяца, тобок ад пачатку красавіка, нядзельная школа будзе праходзіць у новым памяшканні клюбоўні (адрас: 5.května 1043/32).

Сардэчна запрашаем і новых вучняў, імі могуць стаць усе дзеткі, якія скончылі першую клясу чэскай пачатковай школы. На дадзены момант у беларускай школе ёсць 2 групы вучняў: малодшыя (6-8 год) і старэйшыя (10-13 год), у кожнай групе па 4-5 дзяцей.

Старонкі