Аб'явы

05 Duben 2017

У нядзелю 9-га красавіка да нас у беларускую клюбоўню завітае былы лідар "Белага легіёну" Сяргей Бульба, які да нядаўняга часу насіў прозвішча Чыслаў.

Тэмай нефармальнай сустрэчы стануць апошнія падзеі і затрыманні ў Беларусі, а таксама лёс "Белага легіёну".

Калі ласка, далучайцеся, пачатак у 15.00.

02 Březen 2017

Запрашаем усіх неабыякавых на сустрэчу з Янам Мельнікавым, беларускім добраахвотнікам, які ваюе на украінскім Данбасе, рыхтуючыся ў выпадку патрэбы абараняць уласную Радзіму. "Мы заяўляем пра сябе як пра адзіную вайсковую структуру беларусаў, якая ў выпадку агрэсіі гарантавана будзе абараняць нашу дзяржаву" - кажа Ян у інтэрв'ю для радыё Рацыя.

04 Prosinec 2016

У чацвер 8-га снежня  - напярэдадні Юр'ега дня - у беларускай клюбоўні адбудзецца творчая сустрэча з Юрасём Жыгамонтам - найвядомейшым падарожнікам па беларускіх вёсках ды мястэчках, які гэтым разам завітаў са сваім нязменным сакваяжам да нас, у Прагу.

Аўтар і вядучы праграмы "(Новыя) Падарожжы дылетанта" распавядзе цікавыя гісторыі з вандровак і адкажа на нашыя пытанні.

Пачатак у 19.00.

З нагоды свята ў якасці бясплатнага бонуса прапануем гасцям піва, гарбату/каву, дробны пачастунак.

Прыходзьце, калі ласка!

19 Říjen 2016

У аўторак 25-га кастрычніка ў памяшканні клюбоўні адбудзецца сустрэча з беларускім пісьменнікам, лаўрэатам Літаратурнай прэміі імя Янкі Маўра, - Уладзімірам Ягоўдзікам.

Усіх ветліва запрашаем!

Вечарына будзе прысвечана Ларысе Геніюш - спадар Уладзімір быў знаёмы з ёй асабіста, і Міхасю Забэйду-Суміцкаму, з якім ён вёў перапіску, а ў 1980 годзе падрыхтаваў пра спевака тэлевізійную перадачу з нагоды яго 80-годдзя.

Пачатак у 19.00.

 

Выдатны артыкул пра нашага госця сёлета падрыхтаваў Сяргей Чыгрын (радыё Рацыя) да яго 60-годдзя:

15 Květen 2016

На наступны дзень пасля прэзентацыі кнігі Цімафея Авіліна па беларускай этнаастраноміі - у суботу 21-га траўня - запрашаем усіх на Застольны "Спеўны сход"! Падымем келіхі і кубкі пад беларускія застольныя песні!

14 Květen 2016

Спрадвеку людзі часта ўздымалі свой позірк да нябёсаў, імкнучыся знайсці там адказы на самыя патаемныя і сакральныя пытанні. Іх погляды і ўяуленні, непарыўна звязаныя з міфалогіяй, з’яўляліся толькі здагадкай аб тым, што ўтойвае нябесная глыбіня. Шмат часу прайшло, і нарэшце чалавек змог пераадолець зямное прыцягненне, каб даведацца, што знаходзіцца за тым загадкавым блакітам. 

10 Březen 2016

Шаноўныя землякі, аддамо даніну добрай традыцыі і адзначым разам Дзень Волі ў Празе!

98 гадоў таму была абвешчаная першая нацыянальная дзяржава - БНР з прыняццем Трэццяй Устаўной граматы.

Праграма святкавання падзеленая на 2 дні: 25 і 26 сакавіка.

25 сакавіка 

13.00 - Айцец Андрэй Абламейка правядзе традыцыйную паніхіду на Альшанскіх могілках каля магілаў Васіля Захаркі, Пётры Крэчэўскага і Міхася Забэйды-Суміцкага.

10 Srpen 2015

У аўторак 18-га жніўня на клюбоўню завітае спадар Андрэй Хадановіч з прэзентацыяй сваёй новай кнігі - "Нататкі таткі".

У праграме імпрэзы - чытанне вершаў і спевы!

 

Усіх запрашаем!

Пачатак у 18.30, уваход вольны.

03 Srpen 2015

  Паважаныя сябры,

прапаноўваем вашай увазе моўныя курсы, якія арганізоўваюцца ў рамках культурна-адукацыйнай дзейнасці нашай суполкі:

14 Duben 2015

Запрашаем усіх сяброў на чытанне з удзелам паэтаў Уладзіміра Глазава і Макса Шчура, якое адбудзецца 24-га красавіка ў кавярні пражскіх літаратараў па адрасе: Řetězová 10 Praha 1.

Stránky