Аб'явы

07 Верасень 2014

12-га верасня (у пятніцу) ў памяшканні клюбоўні выступіць з прэзентацыяй новай кнігі "Сцягі Воршы" Ўладзімір Арлоў.

Гэтая кніга прысвечана 500-годддзю легендарнай перамогі войска ВКЛ над маскоўскімі агрэсарамі ў бітве пад Воршаю; уяўляе сабой багата ілюстраваны гістарычны нарыс знакамітага айчыннага даследніка Анатоля Грыцкевіча.

21 Жнівень 2014

"А ў таборы трубы граюць
Трубы, трубы граюць"...
Да канцэрту зазываюць!

Увечары 16-га верасня, негледзячы на тое, што дзень працоўны, "Стары Ольса" дапаможа сваім гасцям забыцца пра справы і акунуцца ў атмасфэру беларускага сярэднявечча і фальклору, рыцарскіх турніраў і славутых пераможных бітваў, вясёлых застолляў у традыцыйных корчмах.

Канцэрт будзе прысвечаны святкаванню пяцісотгоддзя вялікай перамогі пад Воршай, якую нашыя продкі здабылі 8-га верасня ў далёкім 1514 годзе.

20 Чэрвень 2014

Паважаныя беларусы і ўсе, каго гэта датычыцца!

Астраномы, астролагі, ведзьмакі і іншыя разумныя людзі (і істоты) кажуць, што з 21-га па 22 чэрвеня будзе самая кароткая ноч у гэтым годзе! Ад старадаўніх часоў нашыя продкі ў такую ноч збіраліся каля вогнішча з надзеяй абараніцца ад істот з цемры ды іншых розных русалак і знайсьці папараць-кветку. Гэтая ноч мае многа імёнаў: Купалле, Ліго, Івана Купала, Ян Купальны, Янаў Дзень, Свята агня і вады і г.д.
Запрашаем вас далучыцца да гэтага свята ў суботу 21.06.14 каля 19-20 гадзіны на тым самым месцы, што і ў мінулым годзе, а дакладней: Kostoprtský rybník, раён Praha - Bohnice. Бліжэйшы прыпынак аўтобусу 236 "U Drahaně", ад прыпынку 10-15 хвілін пехатой па вуліцы U Drahaně.

19 Сакавік 2014

Шаноўныя сябры беларускай грамады ў Чэхіі!

Віншуем Вас з надыходзячым сьвятам ДНЁМ ВОЛІ 25 САКАВІКА!

Сёлета спаўняецца 96 год ад дня абвяшчэньня незалежнасьці Беларускай Народнай Рэспублікі. Як і кожны год, праскія беларусы зьбяруцца разам, каб аддаць даніну павагі як героям, якія ў сакавіку 1918 году сьмела заявілі ўсяму сьвету, што ёсьць беларускі народ, і што ён мае права на сваю незалежную дзяржаву, так і тым, хто цяпер у Беларусі ды ў вольным сьвеце адстойвае ідэалы 25 Сакавіка!

АДСЬВЯТКУЕМ РАЗАМ ДЗЕНЬ ВОЛІ!!!

Праграма сьвяткаваньня:

14 Сакавік 2014

Музыка Аляксандр Ясінскі запрашае на канцэрт свайго гурта The Unlimited Trio, які адбудзецца ў панядзелак 17 сакавіка а 19-ай гадзіне ў клубе JazzDock (www.jazzdock.cz). Госцем праграмы будзе беларуская танцорка Лола Карпенка.
Уваход - 150 крон, для студэнтаў і пенсіянераў - 110 крон.
Рэзервацыя месцаў па тэлефоне +420 774 058 838
Падзея ў фэйсбуку:
https://www.facebook.com/events/615054705238963/615730288504738/?notif_t...

03 Сакавік 2014

Вітаем, шаноўнае спадарства!

Сардэчна запрашаем вас на канцэрт сямейнага гурта роду Лямбовічаў "Крона". Канцэрт адбудзецца ў памяшканні беларускай клюбоўні 4-га сакавіка а 19 гадзіне.

Уваход вольны.

Інфармацыя пра нашых гасцей:

30 Студзень 2014

Прывітанне, сябры!

З'явілася цудоўная магчымасць дапамагчы ўдзельнікам Майдану, якія ў цяжкіх умовах на марозе змагаюцца за свае правы і свабоду, і даслаць у Кіеў нейкія рэчы ў якасці падтрымкі ад беларускай дыяспары.

Рэчы, якія больш за ўсё патрэбныя:

- цёплая і ахоўная вопратка (курткі, рукавіцы, шалікі, тэрмабялізна, шкарпэткі, непрамакальныя плашчы, высокія боты, цёплыя ці грэючыя сцілкі ў боты і ў кішэні, шаломы, ахоўныя паясы на спіну, суставы рук і ног, лыжныя акуляры, супрацьплынавыя маскі)

- спальныя мяхі, коўдры, карыматкі

10 Студзень 2014

  Вітаем вас, шаноўнае спадарства!

Гэтым разам хочам вас запрасіць на лекцыю беларускага сацыёлага Аляксея Ластоўскага. Аляксей даследуе гістарычную памяць і нацыянальную ідэнтычнасць беларусаў. Завітаўшы ў Прагу на пару дзён, ён з задавальненнем прыняў наша запрашэнне ў клюбоўню, каб распавесці мясцовым беларусам пра сваю дзейнасць. Тэма лекцыі дакладна гучыць так: "Беларуская гістарычная памяць: досьвед сацыялагічных даследаванняў". Пасля гэтай лекцыі кожны зможа задаць Аляксею свае пытанні, з усімі іх абмяркаваць ва ўтульнай атмасфэры клюбоўні за кубачкам гарбаты з печанюшкамі:)

05 Студзень 2014

Дарагія сябры,

сардэчна віншуем вас усіх з надыйшоўшымі каляднымі святамі! Няхай гэты новы год прынясе кожнаму з вас самыя жаданыя падарункі, новыя сустрэчы і цікавыя падарожжы, радасць і добры настрой!

Паколькі калядныя святы ў самым разгары, мы вырашылі зрабіць падарунак для маленькіх беларусікаў ды іх бацькоў (і не толькі - запрашаем усіх жадаючых) - калядны тэатральны выступ з музычным суправаджэннем, пасля якога адбудзецца невялічкі гітарны канцэрт для старэйшых прадстаўнікоў дыяспары.

22 Лістапад 2013

У нашай клюбоўні змяніўся нумар рахунку. Просім фундатараў дасылаць грошы на новы рахунак:
2600498753 / 2010 (Fio banka)

На дадзены момант фінансавае становішча клюбоўні даволі слабое, грашэй не хапае нават на аплату камунальных плацяжей, таму будзем удзячныя за любы, нават сымвалічны ўнёсак.

З павагай,
суполка ПАГОНЯ

Старонкі