Навіны

07 Жнівень 2015

У гэты дзень, 7-га жніўня, роўна год таму пайшоў з жыцця спадар Юрка Станкевіч. А палове шостай раніцы.

Падчас свайго жыцця ў Празе Юрка ахвяраваў усе свае сілы і сродкі на карысць беларускай справы, мясцовай беларускай дыяспары. Для пражскіх беларусаў ён быў сваеасаблівым аб’ядноўваючым цэнтрам - вакол яго збіраліся людзі розных поглядаў, забываючыся пра ўласныя рознагалоссі.

Помнім і паважаем. Светлая памяць!

 

23 Сакавік 2015

Імпрэза 21-га сакавіка ўявіла сабой першую частку праграмы святкавання 97-й гадавіны абвяшчэння Беларускай Народнай Рэспублікі. Пражскія беларусы сабраліся ў той вечар на клюбоўні, каб аддаць даніну павагі святу беларускай незалежнасці.

Галоўнай тэмай вечара стала прэзентацыя кнігі Сяргея Навумчыка “Дзевяноста чацвёрты”, пра якую аўтар асабіста распавёў сабраўшымся гасцям. Кніга працягвае цыкл, прысвечаны апошняй хвалі нацыянальнага Адраджэння, два гады таму выйшла папярэдняя кніга пад назвай «Дзевяноста першы». 

20 Сакавік 2015

У чацвер 19-га сакавіка ў нашай клюбоўні адбылася прэзентацыя двух свежых нумароў культурна-мастацкага часопісу “Макулатура”, якую правёў галоўны радактар і заснавальнік часопісу Сяргей Календа.

16 Сакавік 2015

Паводле добрай традыцыі спадарыня Івонка Сурвіла, старшыня Рады БНР, віншуе нашую суполку і ўсю грамаду пражскіх беларусаў з надыходзячым Днём Волі!

"З вялізарнай прыемнасцю", піша Івонка - "прыгадваю адкрыццё Клюбоўні, на якой я мела шчасце быць прысутнай". Клюбоўня афіцыйна адкрылася менавіта ў рамках святкавання 95-х угодкаў абвяшчэння незалежнасці БНР. Спадарыня Івонка перарэзала сымбалічную бел-чырвона-белую стужку, здзесніўшы такім чынам урачыстае адкрыццё клюбоўні.

Ніжэй прыводзім поўны тэкст віншавання:

29 Студзень 2015

26-га снежня ў нашай клюбоўні прайшло чароўнае мерапрыемства, прысвечанае святкаванню Калядаў. Свята было зарганізавана адмыслова для дзетак, каб пазнаёміць маленькіх прадстаўнікоў нашай дыяспары са старадаўнімі беларускімі традыцыямі і казачнымі персанажамі. Сярод нашых гасцей былі не толькі беларускія сем’і, але таксама з Малдовы, Украіны ды Расеі. Аднак беларускую мову без праблемаў разумелі ўсе дзеткі, якія дружна гуляліся разам, вадзілі карагод вакол ялінкі і радваліся святу.

14 Снежань 2014

У пятніцу 12-га снежня ў нашай клюбоўні прайшоў цудоўны ўтульны вечар, прысвечаны прэзентацыі кнігі Паўла Севярынца "Люблю Беларусь" у перакладзе на чэшскую мову. Павал асабіста распавёў пра тое, як узнікла ідэя напісання кнігі, што ўяўляе сабой яе змест, пра выбар назвы. Расказ атрымаўся вельмі шчыры, пазітыўна-яскравы і з гумарам.

На чэшскую мову гэтую кнігу пераклала Святлана Вранава. Чэшскі варыянт кнігі мае ўласную цікавую прадгісторыю, якой з намі падзялілася сп. Святлана падчас прэзентацыі.

26 Лістапад 2014

Набліжаецца вялікае беларускае свята - Дзень Герояў.

17 Лістапад 2014

15-га лістапада ў нашай клюбоўні адбылася прэзэнтацыя кнігі выбраных эсэ Вацлава Гаўла ў перакладзе на беларускую мову «Жыццё ў праўдзе», якая нядаў

02 Кастрычнік 2014

18-га кастрычніка (субота) ў Беларускай клюбоўні ў Празе адбудзецца сустрэча з пісьменнікам Альгердам Бахарэвічам і паэткай, перакладчыцай, рэдактаркай інтэрнэт-часопіса “ПрайдзіСвет” Юляй Цімафеевай.

У праграме: вершы і проза ў аўтарскім выкананні, прэзентацыя новых кніг, у тым ліку зборніка эсэ Альгерда Бахарэвіча “Ніякай літасці Альгерду Б.”, які выйшаў улетку 2014 году, дыскусія пра сучасную беларускую літаратуру і пераклады замежнай літаратуры на беларускую мову.

Пачатак а 17-й гадзіне.

14 Верасень 2014

У пятніцу 12-га верасня Ўладзімір Арлоў правёў у памяшканні клюбоўні прэзентацыю новай кнігі “Сцягі Оршы”, прысвечаную славутай бітве пад Оршай на раце Крапіўне. Сёлета споўнілася роўна 500 год з таго дня, калі продкі беларусаў здабылі ў ёй вырашальную перамогу.

У кнізе, аўтарам якой з’яўляецца Анатоль Грыцкевіч, падрабязна апісаныя ўсе калізіі і перыпетыі той бітвы, што адбылася на Крапівеньскам полі.

Старонкі